HISTORIA EVANGELICA

CAPUT CLXIX: Tertia illusio

Et, genu flexo, dicebant: Ave, rex Judaeorum. Et licet hoc facerent gentiles, quia Judaeis auctoribus fiebant, ideo in parasceve cum oratur pro perfidis Judaeis, genua non flectimus. Tamen forte Judaei cum militibus hoc agebant. Et expuentes arundine percutiebant caput ejus, et exuentes eum purpura, reinduerunt eum veste sua, et duxerunt eum, ut crucifigeretur, bajulans sibi crucem.